Қазақстанда жаңа мұнай базасы салынады

«ҚМГ-Аэро» компаниясы («ҚазМұнайГаз «ҰК» АҚ еншілес ұйымы) Астанада құны 7 млрд теңге болатын мұнай базасын, сондай-ақ әуежайда 2,5 млрд теңгеге жанармай құю кешенін (ЖҚК) салуды жоспарлап отыр. Қаржыландырудың жалпы көлемі-9,5 млрд теңге. Бұл туралы LS «ҚазМұнайГазға» сілтеме жасап хабарлайды.

Бұдан басқа, Ақтөбе қаласының әуе айлағында 5 млрд теңгеге тағы бір ЖҚК салынады.

Бұдан басқа, 500 млн теңгеге әрқайсысы 40 мың литр көлемінде екі жаңа отын құюшы пайдалануға беріледі.

2024 жылы компания 282 мың тонна мұнай өнімдерін сатты. Оның ішінде 206,3 мың тоннадан астам авиаотын, 10,4 мың тоннаға жуық бензин, 40 мың тоннадан астам дизель отыны, 25,67 мың тоннадан астам мазут бар.

Сондай-ақ, бұған дейін Қазақстан алдағы жылдары авиаотын шығаруды екі есеге арттыруды жоспарлап отырғаны хабарланған болатын.