Атырау МӨЗ бірінші жартыжылдықта мұнай өңдеу жоспарын асыра орындады

АТЫРАУ. ҚазАқпарат — Атырау МӨЗ-і бірінші жартыжылдықтағы жұмысты қорытындылады, деп хабарлайды ҚазАқпарат тілшісі. Технологиялық режимнің бұзылуына қарамастан, кәсіпорын мұнай өңдеу жоспарын орындай алды, деп хабарлайды «ҚазАқпарат»ХАА тілшісі.

«Бірінші жартыжылдық АМӨЗ ұжымы үшін қиын болды. Технологиялық режимнің бірнеше рет бұзылуы өндірістің үзілуіне әкелді. Электрмен жабдықтау проблемаларына байланысты зауыт бірнеше күн бойы жұмысын тоқтатуға мәжбүр болды. Бірақ орын алған сәтсіздіктерге қарамастан, I жартыжылдыққа арналған өндірістік жоспар орындалды. Алғашқы алты айда АМӨЗ-де 2 865 мың тонна жоспар бойынша 2 млн 895 мың тонна шикі мұнай өңделді. 2 млн 574 мың тонна тауарлық өнім өндірілді, бұл жоспарланған көрсеткіштерден 25 600 мың тоннаға артық. АМӨЗ шығаратын өнім К4 және К5 экологиялық сыныбының талаптарына сәйкес келеді», — деді» АМӨЗ » ЖШС Бас директоры Мұрат Досмұратов.

Бас директор экологиялық көрсеткіштерге ерекше назар аударды.

«Бірінші жартыжылдықта атмосфераға ластаушы заттардың шығарындылары 5 436 тоннаны құрады, бұл өткен жылдың сәйкес кезеңімен салыстырғанда 387 тоннаға аз. Ағынды сулармен ластаушы заттардың төгінділері 3 104 тоннаны құрады, бұл 2022 жылдың бірінші жартыжылдығына қарағанда 73 тоннаға аз», — деді Мұрат Досмұратов.

АМӨЗ-де өндірісте еңбекті қорғау мен қауіпсіздікті жақсарту бойынша кешенді тәсілді енгізу жалғасуда. Бірінші жартыжылдықтың қорытындысы бойынша АМӨЗ қызметкерлері арасында жарақат алу жағдайлары тіркелген жоқ. 2023 жылдың І жартыжылдығында АМӨЗ 72 млрд теңгеден астам сомаға салық төледі, оның 7 млрд — ы республикалық бюджетке, 65 млрд – тан астамы жергілікті бюджетке төленді.